نوحہ
جس ویلے تابوت علی دا پُتراں آنٹر کے چایا
دیتا عرش نوں چھوڑ ملائکہ نے ہر مرسل کوفے آیا
زخمی بابے نو رو رو دھیاں کہن پئیاں
سانوں کلیاں چھوڑ کے ٹر چلئیائیں اک بابلا دیس پرایا
دھن حوصلہ پاک علی جس نے فجر ویلے
خود آن کے اپنے قاتل نوں مسجد چوں آ پ جگایا
کل جس زینب نے شام دی قیدن ہونا اے
اج اُس بی بی لئی کوفے وچ پردہ عباس بنایا
بھناں نوں گل لالا کے زیب وین کرئے
ساڈی امڑی اکھیاں میٹ لئیاں اج پئیوں دا اُٹھ گیا سایا
ساری زندگی ساتھ حسین دا چھوڑی نہ
اے آخری ویلے ملا نے دُکھی زینب نو ں سمجھایا
اختر اے اُس سخی دا پاک جنازہ اے
زینب دی چادر دا صدقہ جنے جو منگیا سو پایا
شاعر:۔ اختر لاہوری
نوحہ خواں:۔ قریشی پارٹی بریڈ ورڈ یوکے
