خالق اپنے پیغمبر دا اِک وار ظہور ولاکر میکوں اکبر پتر عطا کر

نوحہ

خالق اپنے پیغمبر دا اِک وار ظہور ولاکر میکوں اکبر پتر عطا کر
محرومہ ماں دا پتر ہاں میں مینڈی ایہہ منظور دعا کر میکوں اکبر پتر عطا کر

مینڈا نانا ٹر گیا دنیا توں اودے روپ دا جلد ظہور ہووے
میکوں ڈے فرزند رسول جیا مینڈا بچڑا عین درود ہووے
ساڈا حق کوئی دیوے نہ دیوے توں اپنا خمس ادا کر

اے مالک ڈیکھ حسین ہاں میں وعدہ ہر حال نبھا سکدا
مسلاہندے سوہنڑے بچڑے دا میں تحت الحنک ولا سکدا
پیﺅ پتر دی لاش کیویں چیندا کربل توں آپ نگاہ کر

 
مینڈی بہن دی حسرت ہے خالق او کوں برقعےا دے وچ پالن دی
میں ذمے واری چاناں ہاں او دی لاش کوں آپ سنبھالن دی
او دی آمد نال جہان اوتے مینڈی سرخ رو کرب و بلا کر

رت روون واسطے شام دے وچ مینڈا عابد پتر بیمار سہی
اکبر بس سال اٹھارہ دا مینڈے ویڑے دا مہمان سہی
توڑے کربل دے موسم تائیں سجاد کوں دان بھرا کر

ہووے معجزہ پاک شباب او دا کائنات وچ پاک قرآن وانگوں
اودا جگر نماز جیا ہووے اودا قد ہووے اذان وانگوں
اودی ٹور دے بارے اے خالق میری بھینڑ دے نال صلاح کر

او واپس آوے نہ آوے جیﺅندا خونی میدان کولوں
لیکن اے آس ہے پیغمبر شالا بچ پاوے ہضیان کولوں
اےدے درد وچ رون دے کیتے مینڈے گھر دھی توں زہرا کر

گوہر شاہ آکھے نسب دے وچ عمران ہاں آل کھڑا منگدا
جیوے لوڑ اے اکبر بچڑے دی اےویں دھی وی نال کھڑا منگدا
ہووے عین بتول حجاب دے وچ اوکوں ظاہر وچ صغرا کر

نوحہ خواں سنگت: ہائے شبیر (ناصر اصغر پارٹی)انجمن شباب المومنین کراچی

 © COPYRIGHT
2000-2008 www.matamdari.com