نوحہ
اک مظلوم دے تن تے بارش تیراں دی
جیٹھ دی گرمی چھاں سر تے شمشیراںدی
ترس نہ آیا تیر چلایا اصغر پیاسا مار مکایا
رہ گئی جگ وچ یاد جفا بے پیراں دی
اصغر آجا گل نال لاواں اکبر جیوے میں مرجاواں
صغرا خیر مناوے اپنے ویراں دی
دین دی خاطر سر کٹوایا نیزے تے قرآن سنایا
لوک اجے وی گل کردے تفسیراں دی
عابد کیویں طوق سنبھالے رس رس پیر پیراندے چھالے
رو وے زارو زار لڑی زنجیراں دی
پنجتن دی جاگیر دی وارث بے پردہ تطہیر دی وارث
قیدی ہوگئی موت رولائی ویراں دی
گھر برباد بتول دا ہویا کنبہ قید رسول دا ہویا
زینب تے آگئی منزل تشہراں دی
ویر دی لاش تے روندی آئی رو رو آکھے زہرا جائی
بن چادر ہے موت تیری ہمشیراں دی
گردن کیوں شبیر کٹائی زینب کیوں دربارچہ آئی
سوچ اثر کیوں لوڑ پئی تقریراں دی
© COPYRIGHT
2000-2008 www.matamdari.com
