نوحہ
الٰہی خیر ہووے شام دے بازاراں وچ بتول زادیاں سر ننگے آ گئیاں
جناں دے سر تے ہووے چھاں اٹھاراں ویراں دی کی وقت آگیا رسیاں وہ پا گئیاں
علی توں لینڑا اے جس جس نے بدلہ آجاو
بازاراں کوفہ دے وچ جس گھڑی اعلان ہویا
او ہوئی پتھراں دی بارش کہ فی امان اللہ
تے زخمی پھپھیاں نوں عابد توں نہ پہچان ہویا
دھیاں علی دیاں زخماں چہ چور ہو ہو کے
سب اپنے باپ دے بدلے چکاگئیاں
فضّہ دی کنڈ دے پیچھے منہ لکاکے روندی اے
ہزاراں لوکاں دے مجمع چہ عون دی امڑی
ٹری مدینے توں اے نال اپنے ویرن دے
تے گود ایس نماڑی دی کربلا اجڑی
کدی نہ اترے جیڑا فاطمہ دیاں جائیاں
نبی دے دین نوں او رنگ لا گئیاں
اگر نہ دیندیاں پردے علی دیاں دھیاں
تے دین شام توں پہلے ہی مر گیا ہوندا
جیویں بتول دے گلشن نوں لٹیا لوکاں نے
قرآن پاک وی ایویں وکھر گیا ہوندا
نبی دے دین دی بیڑی کدوں دی ڈب جاندی
اے بیڑی دین دی کنڈے تے لا گئیاں
میں نال بھینڑا دے دربار وچ کھلوتی آں
کراندی ویر دا چہلم جے کربلا ہونددی
کفن خرید کے ویرن میں نئیں پوا سکدی
میں کج دی لاش میرے سر تے جے ردا ہونددی
نبی دی اکھیاں دا اختر پیا اے ریتاں تے
رضاواں رب دیاں کی دن وکھا گئیاں
شاعر: اخترحسین اختر
نوحہ خواں : لاہور پارٹی راوی روڈ لاہور
© COPYRIGHT
2000-2008 www.matamdari.com
