WWW.MATAMDARI.COM

رُونے کیلئے کافی ہے سجاد تیرا نام

July 8, 2008 by matamdari

نوحہ

رُونے کیلئے کافی ہے سجاد تیرا نام
تو شہنشاہِ درد ہے بتلا رہی ہے شام

چلا بِے کسوں کا کارواں
بیمار لوگوں سارباں
ہے سنگ سرِ عریاں
شہ لا فتح کی بیٹیاں
کرب و بلا کے دشت میں برپا ہوا کہرام

مُشکل تھی بڑی وہ گھڑی
دربار میں زینب کھڑی
شبیر کے لبِ پر چھڑی
سجاد نے پہنی کھڑی
دربارِ یزیدی کے لِرزے تھے در و بام

زینب پُکارے بِے وطن
بھائی میرا ہے بِے کفن
کر دے اُسے کوئی دفن
میرے ہاتھوں میں باندھی رسن
ہائے کیسے سُنا ہوگا بیمار نے پیغام

زندان سیاہ پوش ہے
تنہائی آغوش ہے
عابد کہے نہ ہوش ہے
دم ٹوٹا ہے خامُوش ہے
اُمّت نے سکینہ کو دیا مُوت کا اِنعام

مستوروں میں اک مرد ہے
غیرت سے چہرہ زرد ہے
کربل کی زمیں گرد ہے
زینب کا دل میں درد ہے
روتا ہے سر جھکا کے کرتا نہیں کلام

زندان کی سویا خاک پر
عادل لہو پُوشاک پر
چرچے ہوئے اِفلاک پر
سُلطانی لُولاک پر
ہیں جن و ملائک بھی سجاد کے خُدام

Posted in امام زین العابدین علیہ السلام | No Comments »

رہائی ہو گی تو تیری قبر پہ آﺅنگی

July 8, 2008 by matamdari

نوحہ

رہائی ہو گی تو تیری قبر پہ آﺅنگی
حسین حال تمہیں شام کا سناﺅنگی

یہ شام والے کریں چا ہے صد ہزار ستم
نہ لڑ کھڑائیں گے بھیا تیری بہن کے قدم
علی کی بیٹی ہوں بن کر علی دکھاﺅنگی

میں بھُول سکتی ہوں اپنی ردا کا لُٹ جانا
یوںُ نسل جعفر ِطیار کا بھی مٹ جانا
کسی گھڑی نہ تیری بے ِ کسی بھلاﺅنگی

نظر کے سامنے ہو گا تمہارا زخمی بدن
کبھی بنو ں گی علی اور کبھی بنوں گی حسن
تیرا پیام میں کچھ اِسطرح پھیلاﺅنگی

کچھ اسِطرح سے کرونگی تلاوت قرآں
نمازی مانے گا شبیر تم کو سارا جہاں
بغیر تیغ کے میں انِقلاب لاﺅں گی

میرے عباس سے کہدو تمُہیں خُدا کیلئے
بہن کا وعدہ ہے غازی تیری وفا کیلئے
گلی گلی میں تیرا میں علم لگاﺅں گی

حسین تیرے غموں میں جو روُنے والے ہیں
تیری قسم یہ نرالی توقیر والے ہیں
گنُا ہگار ہوں لیکن میں بخشاواﺅں گی

Posted in زینب بنتِ علی علیہ السلام | No Comments »

رہ گئی علی کی بیٹی غم اٹھانے کے لئے

July 8, 2008 by matamdari

نوحہ

رہ گئی علی کی بیٹی غم اٹھانے کے لئے
حسین بھی چلے گئے ہیں سر کٹانے کےلئے

حسین کی نگاہ باوفا کو ڈھونڈنے لگی
قبر چھ مہینے والے کی بنانے کےلئے

جلادئیے سبھی چراغ دشت میں حسین نے
ایک بیٹا رہ گیا ہے شام جانے کےلئے

قاسم حزیں کی لاش ٹکڑے ٹکڑے ہوگئی
ہر طرف سے دشتِ کربلا سجانے کےلئے

لگائیں گے وہ آگ آج خیمہ حسین میں
آئے تھے جو فاطمہ کا گھر جلانے کےلئے

بتول زادیوں کے سر سے چادریں بھی چھین لی
اتنے سارے ظلم اور اس گھرانے کےلئے

Posted in زینب بنتِ علی علیہ السلام | No Comments »

پیکاں برس رہے ہیں تابوت پر حسن کے

July 8, 2008 by matamdari

نوحہ

پیکاں برس رہے ہیں تابوت پر حسن کے
اُمت مٹا رہی ہے آثار پنجتن کے

تابوت سے لپٹ قاسم پکارے بابا
آنسو اخی کے دیکھو نوحے سنو بہن کے

آخر کی ہچکیوں میں شبّرنے روکے چُومے
شبیر کا گلا اور بازو بڑی بہن کے

زینب پکاری بھائی دل ڈوبتا ہے میرا
اُگلو نہ دل کے ٹکڑے صدقے گئی دہن کے

زینب ہے بال کھولے امت ہے تیر تولے
پوچھو نہ شام کی جب یہ حال ہیں وطن کے

تن پر تو ہے حسن کے گو چھد گیا ہے سارا
محتاج ہی رہیں گے شبیر تو کفن کے

یثرب میں کربلا میں بغداد و سامرہ میں
افسوس پھول بکھرے زہرا تیرے چمن کے

بیتُ النبی سے ہائے اُٹھا ہے پھر جنازہ
یثرب کی بستیوں میں جھگڑے ہیں پھر دفن کے

بابا کے دل کے ٹکرے تو نے گنے بہتر
ٹکڑے ہزار ہوں گے قاسم تیرے بدن کے

جل جائے گا بلآخر گھر فاطمہ کا زینب
بازو تمہارے ہوں گے پیچو میں ایک رسن کے

مولا نثار اپنی شمشیر کیوں اُٹھائے
جبکہ وہ جانشین تھے پیغمبرِ امن کے

Posted in امام حسن علیہ السلام | No Comments »

نانا تیرے وسدے شہر وچوں شبیر مسافر چلیا

July 8, 2008 by matamdari

نوحہ

نانا تیرے وسدے شہر وچوں شبیر مسافر چلیا
تیرے کلمہ گو نئیں رئنڑ دیندے تیرے جگر دے ٹکڑے نوں
سنگ بالا تے مستوراں دے تیرے دین دا ناصر چلیا

صغرا دی بنی مجبوری اےدی شکل بتول دی پوری
متا لوکی سمجھن زہرا اے وچ شام بازاراں دے
اے اس لئے چھٹکے روندی نوںایدا ویر علی اکبر چلیا

جتھے لکھنا سی بسم اللہ اتے لکھ کے اناللہ
وچ کرب و بلا دی نگری دے گھر بار لٹاونڑ لئی
ہائے لے فہرست مسافراں دی درداں دا سوداگر چلیا

جدوں جندرے گھراں نوں لائے اے وینڑ بیمار نے پائے
کوئی رب دے واسطے امڑی نوں میرا پیغام پہنچاوے
میں کیویں ویر کھڈاواں گی میرا ویر علی اصغر چلیا

بچ جانڑا اے دین خدا دا گھر اجڑجانڑا زہرا دا
غازی نوں جنگ نہ کرن لئی شبیر پابند کیتا
تا ئیوں اصغر بے شیر جئے لے نال بہادر چلیا

جدی خاطر پاک رسول اے سجدہ چا کیتا طولے
سبحانہ ربی العلیٰ کیا ستر دفعہ احمد نے
اختر شبیراج سترہ دی تاں دینڑ بہتر چلیا

شاعر : اختر حسین اختر ماتمی سنگت:لاہور پارٹی راوی روڈ

Posted in امام حسین علیہ السلام | No Comments »

جب قلم لکھنے لگا حضرتِ عباس کا نام

June 28, 2008 by matamdari

منقبت -
مولا عباس علیہ السلام

جب قلم لکھنے لگا حضرتِ عباس کا نام
پھول بن بن کے کھلا حضرتِ عباس کا نام

جب بھی آلودہ فضاﺅں میں کھلے اُن کا علم
پاک کرتا ہے فضا حضرتِ عباس کا نام

یوں لگا گھر میں میرے چاند اُتر آیا ہے
میں جو دُہراتا رہا حضرتِ عباس کا نام

تھی کڑی دھوپ مجھ پہ گھنا سایا تھا
بس میرے ذہین میں تھا حضرتِ عباس کا نام

مشکلیں آ کے میرے پاس پڑی مشکل میں
اُن کوبھی لینا پڑا حضرتِ عباس کا نام

نام عباس کا عباس نہیں ہو تا اگر
بلقین ہوتا وفا حضرتِ عباس کا نام

مجھ کو ریحان میری ماں نے سکھائی ہے یہ بات
بس وضیفہ ہو تیرا حضرتِ عباس کا نام

Posted in مولا عباس علیہ السلام | No Comments »

اثر دعا کو ملا ہے جنابِ زینب سے

June 26, 2008 by matamdari

منقبت - بی بی زینب علیہ السلام

اثر دعا کو ملا ہے جنابِ زینب سے
بہت قریب خدا ہے جنابِ زینب سے

علی کی بیٹی نے کلمے کی آبرو رکھ لی
صدائے صلی علی ہے جنابِ زینب سے

زمانہ لاکھ بجائے بُجا نہیں سکتا
چراغِ دیں کی ضیا ہے جنابِ زینب سے

نہ ہو شفاعت ِ بنتِ علی تو کچھ بھی نہیں
حیاتِ عرض و سماں ہے جنابِ زینب سے

سروں کو چادریں بخشی ہیں بے ردا ہو کر
وقار ِ فرق وردا ہے جنابِ زینب سے

اندھیرے شام کی تقدیر ہو نہیں سکتے
چراغِ شام جلا ہے جنابِ زینب سے

وہ ہاتھ کردنِ شبیر پر نہیں کانپا
جو ہاتھ کانپ رہا ہے جنابِ زینب سے

جنابِ زہراسے بے شک چلی ہے نسل ِ نبی
نبی کا دین چلا ہے جنابِ زینب سے